«Medium aurum» (Алтын белес)

23 желтоқсан күні  Конгресс Холлда  жалпы медицина факультетінің 3 курс студенттеріне арналған «Medium aurum» атты мерекелік кеш өтті. Мерекелік кешті қазақ радиосынан арнайы шақырылған Әсел Ергешқызы және 3 курс студенті Сидоров Александр қызықты және ерекше жүргізді. Бұл кеште 3 курс студенттерінің атынан факультет деканы Джумашева Рахима Тажибаевнаға өлең шұмақтары арналды. Ұйымдастырушылар әртүрлі номинациялар  тапсырды: «Ең білімді топ» — 09-045-02 топ, «Ең көңілді топ» — 09-053-01 топ, «Ең ұйымшыл топ» — 09-032-01 топ, «Конспектісі түгел студент» — Мазанов Манас, «Ең өнерлі студент» — Артықов Ақиқат, «Білекті студент» — Ізбасаров Нұрқанат, «IT — студент» — Ешниязов Оразбек, «Ең жас отбасы» — Бугибаев Төлеген + Берикбаева Ұлжан, «Ең жас ана» — Амидова Майра, «Ең жас әке » — Болат Ербол, «Ең жарасымды жұп» — Төлендин Алим + Таласбаева Жанна. Ал, «Ең үздік куратор» номинациясын анатомия кафедрасының оқытушысы Ахмад  Нұргүлім Сағидоллақызына берілді.

Сонымен қатар, бұл кеште әр студентке «Medium aurum» төсбелгісі сыйлыққа берілді. Кеш барысында қазақ эстрадасының әншілері 9 жасар Ермек Балжігіт, «Жебе», «Қыран» топтары келіп 3 курс студенттерін құттықтап әдемі әуендерін арнады.  Бұл мерекелік кешке 3 курстың өнерлі студенттері ән айтып, би билеп, өлең жырларын арнады. Сонымен бірге, әртүрлі ойындар ойнатылып, «палата №6» атты көңілді тапқырлар клубы өз өнерлерін көрсетті. Осылайша, «Medium aurum» атты мерекелік кеш ұмытылмастай өте қызықты өтті.

Жалпы медицина факультетінің
ІІІ курс студенті Әкімбаева Айжан