«9- мамыр Жеңіс күнімен» гистология кафедрасының ұжымы баршаңызды құттықтайды

 

Адамзат тарихындағы ең сұмдық соғыстың болып өткеніне 70 жыл толды. Бірақ Ұлы Жеңістің ұмытылмайтыны сияқты, соғыс та ұмытылмастай ізін қалдырды. Жеңіс күні – бұл сан мыңдаған ұрпақ үшін ортақ мереке. Бұл мереке – бейбітшілік пен қайырымдылықтың мәңгі жасампаздығын, Отанын қорғаған жауынгер-солдаттар мен офицерлердің айбыны, тылдағы Жеңісті жақындатқан жұмысшылардың ерлік еңбектерінің мәңгі өшпейтіндігін дәлелдейтін белгі болып қалмақ. Біздің аталарымыз бен әкелеріміздің батырлықтары мен жанқиярлықтары, олардың өз Отанына деген шексіз сүйіспеншіліктері Қазақстанның бүгінгі жауынгерлері үшін мақтан тұтарлық үлгі ғана емес, бұл – бірнеше ұрпақты байланыстыратын қоғамның рухани дамуы мен ұлттық қайта өрлеуінің жоғары адамгершілік негізі. Жеңіс күні – абыройымыз бен даңқымыздың мерекесі. Табандылық пен ерлік, Отанға деген сүйіспеншілік қатал соғыста Жеңіске жеткізді.
Осы айтулы мерекені гистология кафедрасының тьюторлары да назардан тыс қалтырмады. Гистология кафедрасының меңгерушісі Жалпы медицина факультетінің 14-008 тобының тьюторы доцент М.Ж.Ергазина топ студенттерімен және стоматология факультетінің 2 курс 002-1 тобының студенттерімен Университетіміздің мақтанышы Кеңес Одағының батырлары М.Мәметова мен  Иваниловтың ескерткіштеріне гүл шоқтарын қойып, ары қарай 28-Панфиловшылар паркіне беттеді.  Осы батырлардың  ерліктерін студенттерге таныстыру арқылы студенттердің патриоттық сезімдерінің артуына үлесі тиді деген үмітпен оралды.